“Heç bir komanda məğlubedilməz deyil, hətta Mbappe ilə “Real” da olsa”

“Bayern”in yarımmüdafiəçisi Camal Musiala Çempionlar Liqasını nə vaxt qazana bilcəyi ilə bağlı sualı cavablandırıb.

Komanda.az AS-a istinadən xəbər verir ki, almaniyalı futbolçu heç bir komandanın məğlubedilməz olmadığını bildirib:

“Bayern”lə Çempionlar Liqasını qazanacam? Bəli, mümkündür. Çünki heç bir komanda məğlubedilməz deyil, hətta Kilian Mbappe ilə “Real” da olsa. Şansımızın olmadığını düşünüb “Real”la oyuna getməzdim. Çempionlar Liqasını qazanmaq üçün mübarizə apara biləcəyimiz bir heyət var. Mən 2025-ci ildə “Alyans Arena”da keçiriləcək finalda, Çempionlar Liqasının kubokunu Münhenə qaytarmaq üçün əlimdən gələni etmək istəyirəm”.

Musiala 2020-ci ildən “Bayern”in əsas komandasında çıxış edir. O, Münhen komandası ilə 3 dəfə Almaniya çempionu, 2 dəfə ölkə superkubokunun qalibi, həmçinin, UEFA superkubokunun və Klublararası dünya çempionatının qalibi olub.