“Liverpul” düzgün seçim edib” – Van Qal

“Barselona”nın və “Mançester Yunayted”in sabiq çalışdırıcısı Lui van Qal niderlandlı mütəxəssis Arne Slotun “Liverpul”a baş məşqçi təyin olunmasından danışıb.

Komanda.az “Sportskeeda”-ya istinadən xəbər verir ki, niderlandlı çalışdırıcı, həmyerlisinin çətin anlar yaşayacağını bildirib:

“Slot Yurgen Kloppun varisi kimi çətin anlar yaşayacaq. Amma o, yaxşı mütəxəssisdir. Onu Niderlandın ən yaxşı məşqçilərindən biri adlandırmaq olar. Düşünürəm ki, “Liverpul” düzgün seçim edib”.

Almaniyalı mütəxəssis Yurgen Klopp 2023/24 mövsümünün sonunda “Liverpul”un baş məşqçi postunu tərk edib. Komanda onun rəhbərliyi altında İngiltərə Premyer Liqasını 3-cü pillədə başa vurub.