Klopp: “Gəlin, indi bu lənətə gəlmiş kuboku götürün”

Dortmund “Borussiya”sının uğurları komandanın keçmiş çalışdırıcısı Yurgen Kloppu çox sevindirir.

Komanda.az xarici KİV-ə istinadən xəbər verir ki, o, “Borussiya”nın Çempionlar Liqasını qazanmasını istəyir:

“Heyrət! Vay! Heyrət! Vay! Heyrət! Vay! Hər kəsi təbrik edirəm, “Borussiya” finalda oynamağa layiqdir. Gəlin, indi bu lənətə gəlmiş kuboku götürün”.

Klopp 2013-cü ildə Dortmund komandasını Çempionlar Liqasının finalına çıxarıb, lakin sonra həlledici oyunda “Bayern”ə uduzub.

Çempionlar Liqasının finalının “Borussiya” ilə “Real” arasında oyunu Londonda keçiriləcək.