Buffon gəldi, o gedir

İtaliyanın “Yuventus” klubunun qapıçısı Mattia Perin karyerasını Portuqaliyada davam etdirə bilər.

Komanda.az İtaliya mətbuatına istinadən xəbər verir ki, 26 yaşlı qolkiper “Benfika”nın transfer hədəfindədir. Canluici Buffonun yenidən komandaya qayıtması ilə heyətə düşmək şansı daha da azalan futbolçunun “Benfika”ya keçməyə yaxın olduğu bildirilir.

“Benfika”nın bu transfer üçün Turin təmsilçisinə 15 milyon avro ödəyəcəyi deyilir.

Keçən il “Cenoa”dan 12 milyon avro müqabilində transfer olunan italiyalı qapıçının “Portu”nun da maraq dairəsində olduğu, amma “Benfika”nın bu keçidə daha yaxın olduğu bildirilir.