“Barselona” aparıcı futbolçusunu 100 milyon avroya sata bilər

“Barselona” mərkəz müdafiəçisi Ronald Arauxonun transfer ehtimalını düşünür.

Komanda.az “Diario Sport”-a istinadən xəbər verir ki, Kataloniya klubu uruqvaylı futbolçunun satışından təxminən 100 milyon avro qazanmağı gözləyir.

Daha əvvəl mətbuatda Arauxo üçün əsas namizədin “Bayern” olduğu bildirilib.

25 yaşlı müdafiəçinin “Barselona” ilə müqaviləsi 2026-cı ilin yayına qədərdir. O, İspaniya çempionatının bu mövsümündə 21 oyun keçirib və 1 qol vurub.