Arauxo gələcəyi ilə bağlı qərar verib

“Barselona”nın müdafiəçisi Ronald Arauxo gələcəyi ilə bağlı qərar verib.

Komanda.az “Mundo Deportivo”-ya istinadən xəbər verir ki, uruqvaylı futbolçu “Barsa”da qalmaq istəyir. Həmçinin, Kataloniya klubu da futbolçunun gedişində maraqlı deyil.

Almaniya mətbuatı “Bayern”in Arauxo üçün yay transfer pəncərəsində 100 milyon avro təklif etməyə hazır olduğunu yazır. Bununla belə, “Barselona” Arauxonu komanda üçün vacib oyunçu hesab edir və uruqvaylını satmaq fikrində deyil.

Arauxo bu yaxınlarda bildirmişdi ki, “Barselona”dan ayrılmaq fikrində deyil. Klub müdafiəçi ilə müqaviləni uzatmaq istəyir.