Kurtua “Mançester Siti” ilə matçda iştirak edə bilər

“Real”ın qapıçısı Tibo Kurtua zədədən sonra tezliklə komandaya qayıda bilər.

Komanda.az xarici KİV-ə istinadən xəbər verir ki, belçikalı futbolçu Madrid klubunun baş məşqçisi Karlo Ançelottiyə Çempionlar Liqasının 1/4 finalında “Mançester Siti” ilə oynamağa hazır olduğunu bildirib.

İlk oyun aprelin 9-da Madriddə baş tutacaq. Cavab oyunu aprelin 16-da Mançesterdə olacaq.

31 yaşlı qolkiper ötən ilin avqustunda zədələnib. Ona sol dizinin ön çarpaz bağının yırtılması diaqnozu qoyulub.