“Barselona” “Bayern”in iki təklifinə “yox” deyib

“Bayern” qışda “Barselona”nın müdafiəçisi Ronald Arauxonun transferini rəsmiləşdirmək üçün iki dəfə cəhd edib.

Komanda.az “Mundo Deportivo”-ya istinadən xəbər verir ki, Münhen klubu 24 yaşlı uruqvaylı futbolçunu 70 milyon avro və 20 milyon bonus qarşılığında almaq niyyətində olub. Lakin kataloniyalılar bundan imtina ediblər. Bunun ardınca 80 milyon avro və 10 milyon bonus təklifi gəlib. Ancaq “Barselona” onu da rədd edib. Danışıqlarda “Bayern”in baş məşqçisi Tomas Tuxel də iştirak edib.

Arauxonun “Barselona” ilə müqaviləsi 2026-cı ilin yayına qədərdir. O, bu mövsüm komandanın heyətində 28 oyun keçirib və 1 qol vurub.