Əsgərov oynadı, “Dauqavpils” yenə xal itirdi

Futbol üzrə Latviya çempionatında 20-ci turun oyunları keçirilib.

Komanda.az xəbər verir ki, azərbaycanlı futbolçular – Vüqar Əsgərov, Elvin Sərkərov və Tural Bayramlının formasını geyindiyi “Dauqavpils” də növbəti matçına çıxıb.

Sözügedən kollektiv səfərdə “Valmiera Qlass” ilə üz-üzə gəlib. Futbolçularımızın komandası bu oyundan heç-heçə ilə ayrılıb – 1:1.

Azərbaycanlı futbolçulardan yalnız biri – Vüqar bu matçın iştirakçısı olub. O, start heyətdə meydana çıxıb və sonadək mübarizə aparıb. Turalla Elvinin adı isə ümumiyyətlə matçın iştirak ərizəsinə daxil edilməyib.

“Dauqavpils” hazırda 21 xalla 9 komanda arasında 7-ci pillədə qərarlaşıb.