“Bizi çətin qarşılaşma gözləyir” – “Neftçi”nin futbolçusu

“Neftçi”nin yarımmüdafiəçisi Rəhman Hacıyev “Sabah”a qarşı keçirəcəkləri Premyer Liqanın 11-ci turunun oyunu ilə bağlı fikirlərini bölüşüb.

Komanda.az klubun televiziyasına istinadən xəbər verir ki, 30 yaşlı futbolçu komandada hər şeyin qaydasında olduğunu bildirib:

“Səbail”ə qarşı sonuncu matçda qələbə qazandıq. Bizi növbəti çətin qarşılaşma gözləyir. Meydana üç xal üçün çıxacağıq. Çox yaxşı hazırlaşırıq. Hər görüş vacibdir.

Baş məşqçi harada şans versə, daha yaxşısını etməyə çalışıram. Məncə, oyunum sağ cinahda daha yaxşı alınır. Növbəti görüşdə iştirak etsəm, qələbə üçün nəsə etməyə çalışacağam”.

Oktyabrın 29-da “Neftçi Arena”da reallaşacaq “Neftçi” – “Sabah” matçı saat 18:30-da start götürəcək.