Vüsal Albaniya çempionatında ilk matçına çıxdı

Azərbaycanlı futbolçu Vüsal İsgəndərli Albaniya çempionatında debüt edib.

Komanda.az xəbər verir ki, onun formasını geyindiyi “Eqnatiya” ilk tur çərçivəsində “Skenderbeu” ilə qarşılaşıb.

Doğma meydanda baş tutan qarşılaşma futbolçumuzun komandasının 0:1 hesablı məğlubiyyəti ilə başa çatıb.

Vüsal bu matçın 62-ci dəqiqəsində meydana daxil olub.