Ərəblər “Zenit”in hücumçusu üçün danışıqlar aparır

“Əl-Hilal” “Zenit”in hücumçusu Malkom üçün Rusiya təmsilçisi ilə danışıqlar aparır.

Komanda.az “Ariyadhiah”-a istinadən xəbər verir ki, o, qarşıdakı günlərdə adı açıqlanmayan Səudiyyə Ərəbistanı klublarından biri ilə müqavilə imzalaya bilər. Futbolçunun bu həftə tibbi müayinədən keçəcəyi gözlənilir.

Malkom 2019-cu ildə “Barselona”dan “Zenit”ə keçib. O, Premyer Liqa klubunun heyətində 108 oyuna çıxıb, 42 qol vurub və 24 məhsuldar ötürmə edib.

Braziliyalı futbolçunun Sankt-Peterburq təmsilçisi ilə müqaviləsi 2026-cı ilin iyun ayının sonuna qədərdir.

2023/24 mövsümündən etibarən Kərim Benzema, Nqolo Kante, Ruben Neves, Eduard Mendi, Roberto Firmino kimi futbolçular karyerasını Səudiyyə Ərəbistanında davam etdirəcək. Kriştiano Ronaldo isə 2022/23 mövsümündən “Əl-Nəsr”də forma geyinir.