DÇ-2023: Argentina millisi Nigeriyaya uduzdu

Argentina millisi gənclər arasında 2023-cü il dünya çempionatının 1/8 finalında Nigeriyaya uduzub – 0:2.

Komanda.az xəbər verir ki, 61-ci dəqiqədə İbrahim Məhəmməd hesabı açıb. Son dəqiqələrdə isə Rilvanu Sarki nigeriyalıların üstünlüyünü iki topa çatdırıb.

Afrika təmsilçisi 1/4 finalda Koreya – Ekvador matçının qalibi ilə qarşılaşacaq.

1/8 finalın digər oyununda İtaliya İngiltərə üzərində qələbə qazanıb – 2:1.

Gənclər arasında dünya çempionatı Argentinada keçirilir.