Premyer Liqa klubunun planı: Dibala

“Nyukasl” yayda “Roma”nın hücumçusu Paulo Dibalanı transfer etməyi planlaşdırıb.

Komanda.az “calciomercatoweb”-ə istinadən xəbər verir ki, 29 yaşlı futbolçunun paytaxt klubu ilə olan hazırkı müqaviləsində 12 milyon avro məbləğində sərbəstqalma maddəsi var.

Dibala ötən ilin yayından “Roma”da çıxış edir. Onun klubla sözləşməsi 2025-ci ilin iyununa qədərdir.

O, 2022/23 mövsümündə “canavarlar”ın heyətində bütün yarışlar daxil olmaqla 34 oyuna çıxıb, 16 qol vurub və 8 məhsuldar ötürmə edib.