“Çempionlar Liqasını belə oyunla qazanmaq olar!”

Keçmiş futbolçu Ouen Harqrivs UEFA Çempionlar Liqasının 1/4 finalının “Mançester Siti” – “Bayern” oyunu haqda (3:0) fikirlərini bildirib.

Komanda.az xarici KİV-ə istinadən xəbər verir ki, o, “şəhərlilər”in müdafiədəki performansını qüsursuz adlandırıb:

“Çempionlar Liqasını belə oyunla qazanmaq olar! “Mançester Siti” tamamilə heyrətamiz çıxış etdi. Müdafiədə çox fərqli, qüsursuz görünürdülər. Onlar mükəmməl idi”.

“Bayern” – “Mançester Siti” cütünün cavab qarşılaşması Almaniyada keçiriləcək. Oyun aprelin 19-da olacaq.