“Böyük adam, inanılmaz qolçu və İngiltərə əfsanəsi!” – FOTO

İngiltərə millisinin keçmiş hücumçusu Ueyn Runi sosial şəbəkə hesabında paylaşım edib.

Komanda.az xəbər verir ki, o, Harri Keyni yığmada yeni rekordçu olmaq münasibətilə təbrik edib:

“Keyni milli komandanın tarixində bombardir olduğuna görə təbrik edirəm. Bilirdim ki, ona bunun üçün çox vaxt lazım olmayacaq, amma bu qədər tez bacaracağını da düşünmürdüm (gülür). Böyük adam, inanılmaz qolçu və İngiltərə əfsanəsi!”

“Tottenhem”in futbolçusu AÇ-2024-ün seçmə mərhələsinin ilk turunda İtaliya yığması ilə oyunda fərqlənməklə, millidə vurduğu qolların sayını 54-ə çatdırıb və ən yaxşı bombardirə çevrilib.

Bundan əvvəlki rekord Ueyn Runiyə məxsus idi – 53 qol.