Pioli futbolçulardan nə xahiş edib?

“Milan”ın baş məşqçisi Stefano Pioli UEFA Çempionlar Liqasının 1/8 finalının “Tottenhem”lə cavab matçından sonra (0:0) açıqlama verib.

Komanda.az xarici KİV-ə istinadən xəbər verir ki, o, qələbəyə layiq olduqlarını deyib:

“Çətin olacağını bilirdik, lakin bacardıq. Futbolçularımdan xarakter göstərmələrini xahiş etdim. Biz heç vaxt təslim olmadıq. Qələbəyə layiq idik. Addım-addım irəliyə gedəcəyik. Püşkatmanın necə olacağını görəcəyik”.

İki oyunun nəticəsinə əsasən, “qırmızı-qaralar” Premyer Liqa təmsilçisini 1:0 hesabı ilə məğlub edərək, növbəti mərhələyə vəsiqə qazanıb.