“Milli komandanın oyunundan sonra qərar verəcəm” – “Barselona”nın istədiyi futbolçu

Son zamanlar göstərdiyi oyunla diqqət mərkəzinə düşən “Ayaks”ın futbolçusu Matteys de Liqt açıqlama verib.

Komanda.az İngiltərə mətbuatına istinadən xəbər verir ki, gələcəyi haqqında danışan 19 yaşlı müdafiəçi, transferlə bağlı qərarını milli komandaların oyunlarından sonra verəcəyini bildirib:

“Düzü, həm Premyer Liqada, həm də La Liqada böyük rəqabət yaşanır. Hər iki liqada oynamaq xüsusidir. Amma hələ gələcəyim haqqında bir şey bilmirəm. Milli komandanın oyunundan sonra qərar verəcəm”.

Hollandiya millisinin üzvü ilə “Barselona”, “Real”, “Atletiko”, “Mançester Yunayted”, “Liverpul”, “Yuventus” kimi klubların yaxından maraqlandığı deyilir.

Hollandiya millisi UEFA Millətlər Liqasının yarımfinal oyunları çərçivəsində, iyunun 6-da İngiltərə yığması ilə qarşılaşacaq.