Ramil Şeydayev darmadağına üzüldü

Futbol üzrə Rusiya Premyer Liqasında 2018/19 mövsümünə yekun vurulub.

Komanda.az xəbər verir ki, Azərbaycan yığmasının hücumçusu Ramil Şeydayevin formasını geyindiyi “Krılya Sovetov” da sonuncu matçına çıxıb.

Sözügedən komanda 30-cu tur çərçivəsində səfərdə Moskva ÇSKA-sı ilə üz-üzə gəlib. Ramilin komandası bu görüşdən məğlubiyyətlə ayrılıb – 0:6.

Şeydayev də bu görüşün iştirakçısı olub. O, start heyətdə meydana çıxıb və sonadək oynayıb.

“Krılya Sovetov” mövsümü 28 xalla 16 iştirakçı arasında 13-cü pillədə başa vurub.