Reytinq: Azərbaycan millisinin mövqeyi dəyişib

Futbol üzrə Azərbaycan millisi FİFA reytinqində 2 pillə irəliləyib.

Komanda.az xəbər verir ki, Canni De Byazinin baş məşqçisi olduğu milli hazırda 1151 xalla 121-ci sırada qərarlaşıb.

Buna yığmanın yoldaşlıq görüşlərində Moldovanı 2:1, Şimali Makedoniyanı isə 3:1 hesabı ilə məğlub etməsi səbəb olub.

Türkiyə yığması 1465,38 xalla 44-cüdür. “Ay-ulduzlular” bir pillə irəliləyib.

Reytinq sıralamasında Braziliya 1-ci sıradakı yerini qoruyub – 1840,77. Son dünya çempionu Argentina (1838,38) və vitse-çempion Fransa (1823,39) hərəyə bir pillə irəliləyərək, Belçikanı ilk üçlükdən sıxışdırıb.