![](https://komanda.az/wp-content/uploads/2022/12/1670242426_317684645_843629223624844_547884944484460171_n-780x470.jpg)
“Azərreyl” oyunlarını Almaniyada keçirəcək
Qadın voleybolçulardan ibarət “Azərreyl” klubunun Çağırış Kubokunun 1/16 final mərhələsində keçirəcəyi oyunların yeri və vaxtı dəyişdirilib.
Komanda.az xəbər verir ki, Eldar Yusubovun çalışdırdığı kollektiv “Turingen”lə hər iki matçı Almaniyada keçirəcək.
Bu barədə qarşılıqlı razılaşma əldə olunub. Dekabrın 14-də öncədən Bakıda təşkil olunması planlaşdırılan ilk qarşılaşma Almaniyada keçiriləcək. “Azərreyl” həmin matçın nominal meydan sahibi olacaq. Cavab oyunu isə öncədən nəzərdə tutulduğu kimi dekabrın 20-də deyil, ayın 15-də təşkil olunacaq.
Xatırladaq ki, “Azərreyl” 1/32 finalda Slovakiya təmsilçisi “Slaviya”nı mübarizədən kənarlaşdırıb.
Bizi Telegramda izləyin
Bizi Facebook-da izləyin