“Qarabağ”ın rəqibi Xames Rodriqesi transfer edib

“Qarabağ”ın UEFA Avropa Liqasının qrup mərhəlsindəki rəqiblərindən olan “Olimpiakos” heyətini daha bir futbolçu ilə gücləndirib.

Komanda.az xəbər verir ki, bu barədə jurnalist Fabrizio Romano özünün sosial şəbəkə hesabında paylaşım edib.

Onun sözlərinə görə, Pirey təmsilçisi Xames Rodriqeslə anlaşıb. 32 yaşlı yarımmüdafiəçi bu gün Afinaya gedəcək.

Son olaraq Qətərdə “Əl Rayyan” komandasının formasını geyinən kolumbiyalı oyumçu İspaniyanın “Real” və Almaniyanın “Bayern” klublarının da şərəfini qoruyub.

“Qarabağ” “Olimpiakos”a qarşı ilk oyununu oktyabrın 6-da səfərdə, növbəti görüşünü isə bir həftə sonra Bakıda keçirəcək.