Obameyanqı Premyer Liqaya qaytarmaq üçün danışıqlar başlayıb

“Çelsi” klubunun nümayəndələri “Barselona”nın hücumçusu Pyer-Emerik Obameyanqın agentləri ilə görüşüblər.

Komanda.az İngiltərə mətbuatına istinadən xəbər verir ki, 33 yaşlı qabonlu forvard London klubuna keçməyə razıdır. Danışıqlar zamanı heç bir problem olmayıb.

Amma “zadəganlar” hələ ki, transferin məbləği ilə bağlı “Barselona” ilə razılaşa bilmir. Kataloniyalılar futbolçu üçün 30 milyon avro istəyir.

Obameyanq 2022-ci ilin yanvarında “Arsenal”dan azad agent kimi “Barselona”ya keçib. O, kataloniyalıların heyətində 24 oyuna çıxıb, 13 qol vurub və 1 məhsuldar ötürmə edib.

Bizi Telegramda izləyin