“Mançester Siti” onunla razılığa gəldi

“Mançester Siti” futbolçusu Oleksandr Zinçenkoyla yeni müqavilə imzalayacaq.

Komanda.az “goal.com”a istinadən xəbər verir ki, “şəhərlilər” Ukrayna millisinin də formasını geyinən Zinçenko ilə müqaviləsinin müddətini uzatmaqla bağlı razılığa gəlib. Yeni sözləşmənin detalları isə məlum deyil.

2017-ci ildən “Mançester Siti”də forma geyinən 22 yaşlı futbolçunun hazırkı müqaviləsi 2020-ci ilin yayında bitir.

25 dəfə Ukrayna millisində çıxış edən Zinçenko, yığmada 2 qol vurub.