İlk dəfə Azərbaycan qran-prisinin qalibi oldu

Formula 1 üzrə Azərbaycan qran-prisinin qalibi məlum olub.

Komanda.az xəbər verir ki, “Red Bull”dan Maks Ferstappen bütün rəqiblərini qabaqlayıb.

Onun komanda yoldaşı Serxio Peres ikinci, “Mercedes”dən Corc Rassell üçüncü yeri tutub. Rassellin komanda yoldaşı, 7 qat dünya çempionu Luis Hamilton 4-cü yerlə kifayətlənib.

Beləliklə, Maks Ferstappen ilk dəfə Bakıdakı yarışda qalib adını qazanıb. Ötən il onun komanda yoldaşı Serxio Peres finişə birinci çatdığı üçün “Red Bull” ardıcıl ikinci dəfə Bakıdakı yarışda qalib olub.

“Ferrari”dən Şarl Lekler və Karlos Sayns, “Haas”ın pilotu Kevin Maqnussen, “Alfa Romeo”nun üzvü Çjou Quanyuy və “Aston Martin”dən Lans Stroll yarışı sonadək davam etdirə bilməyib.