Azərbaycan millisi Avropa çempionu oldu

Mini futbol üzrə Azərbaycan millisi bu gün Slovakiyanın Koşitse şəhərində keçirilən Avropa çempionatında final oyununa çıxıb.

Komanda.az xəbər verir ki, milli həlledici matçda Rumıniya yığması ilə qarşılaşıb.

Azərbaycan yığması B qrupundakı ilk oyununda məhz bu rəqibə 0:2 hesabı ilə uduzmuşdu. Amma final qarşılaşmasında milli rumınlar üzərində 1:0 hesablı qələbə qazanaraq Avropa çempionu olub.

Bundan öncə isə üçüncü yer uğrunda görüş keçirilib. Qazaxıstanla qarşılaşan Bolqarıstan yığması 4:1 hesablı qələbə sayəsində bürünc medallara sahib çıxıb.

Xatırladaq ki, Azərbaycan millisi yarımfinalda Qazaxıstana 3:2, Rumıniya isə Bolqarıstana 4:0 hesabı ilə qalib gəlmişdi.