“Barselona”nın braziliyalısı qərarını verdi

“Barselona”nın cari mövsümün əvvəlində “Bordo”dan heyətinə qatdığı Malkom gələcək karyerası ilə bağlı qərarını verib.

Komanda.az İspaniya mətbuatına istinadən xəbər verir ki, Kataloniya klubunun heyətində kifayət qədər forma geyinmək şansı qazanmayan 22 yaşlı futbolçu, komandadan ayrılmaq istədiyini klub rəhbərliyinə bildirib.

Katalonların braziliyalı futbolçunun adını satış siyahısına əlavə etdiyi və onun transferi üçün azı 40 milyon avro istəyəcəyi bildirilir.

“Roma”, “İnter”, “Milan”, “Tottenhem” və “Arsenal” kimi klubların maraq dairəsində olduğu deyilən futbolçu, bu mövsüm katalonların heyətində iştirak etdiyi 19 oyunda 4 qol vurub, 2 məhsuldar ötürmə verib.