Ronaldo narazıdır

Kriştiano Ronaldo “Mançester Yunayted” rəhbərliyinin bəzi qərarlarından narazıdır.

Komanda.az “Daily Mail”ə istinadən xəbər verir ki, portuqaliyalı hücumçu, Ole Qunnar Sulşerin baş məşqçi postundan istefasından sonra klub rəhbərliyinin “sükan arxasına” Ralf Ranqniki gətirməsindən narazı qalıb.

Ranqnik 2021-ci ilin noyabrında Sulşeri “Mançester Yunayted”in baş məşqçi postunda əvəz edib. Klubdan verilən açıqlamada, almaniyalının yalnız 2021/22 mövsümünün sonuna qədər komandada qalacağı, daha sonra daimi baş məşqçinin gələcəyi qeyd edilib.

“Mançester Yunayted”də baş məşqçi postuna əsas namizədlər Maurisio Poçettino və Erik ten Haqdır.

37 yaşlı Ronaldo bu mövsüm “Mançester Yunayted”in heyətində bütün turnirlərdə 31 oyunda 15 qola imza atıb. O, 2022-ci ildə keçirdiyi 10 oyunda cəmi 1 qol vurub.