Ronaldo: “Madridə qayıtmaq həmişə xoşdur”

“Mançester Yunayted”in hücumçusu Kriştiano Ronaldo Çempionlar Liqasında “Atletiko” ilə oyundan sonra (1:1) “instaqram” hesabında paylaşım edib.

Komanda.az xəbər verir ki, portuqaliyalı futbolçu, yenidən Madriddə olmağın xoş olduğunu qeyd edib:

“Dünyada “vətənim” adlandırdığım bir neçə şəhərdən biri olan Madridə qayıtmaq həmişə xoşdur. Əla hiss, əla oyunçular, əla oyun – bu, Çempionlar Liqasıdır! Bütün klub turnirlərinin anası!

İndi doğma stadionumuzda cütün taleyini həll etmək imkanımız var.

Heyrətamiz azarkeşlərimizə də təşəkkür edirik. Varlığınız bizi daha da gücləndirir. İrəli, “şeytanlar”!”