“Qarabağ”ın rəqibi doğma meydanda xalsız qaldı

Futbol üzrə Fransa çempionatında 25-ci tura yekun vurulub.

Komanda.az xəbər verir ki, ilk oyun günündə bir qarşılaşma baş tutub. Turun açılış matçında son çempion “Lill” doğma meydanda “Mets”lə qarşılaşıb. Bu oyunda qapılara qol vurulmayıb.

Lider və çempionluğa əsas namizəd PSJ “Nant”ın qonağı olub. Paris təmsilçisi bu oyunda məğlubiyyətlə üzləşib. “Lion” isə səfərdə “Lans”la bərabərə qalıb.

Turun əksər qarşılaşmaları sonuncu oyun gününə təsadüf edib. “Reyms” – “Brest”, “Sent-Etyen” – “Strasbur” və “Bordo” – “Monako” matçlarında qalib müəyyənləşməyib.

“Nitsa” “Anje”ni, “Renn” “Trua”nı məğlub yola salıb. “Loryan” evdə “Monpelye”yə məğlub olub.

Avropa Konfrans Liqasında “Qarabağ” üzərində qələbə qazanan Marsel “Olimpik”i isə həmin oyundan sonra “Klermon”u sınağa çəkib. Ağdam klubunun rəqibi Bakı səfərindən öncə doğma meydanda 2 cavabsız qola üzülüb.

Fransa Liqa 1, 25-ci tur

18 fevral

Lill – Mets 0:0

19 fevral

Lans – Lion 1:1
Qol: Klaus, 13 – Kadevere, 44.

Nant – PSJ 3:1
Qol: Muani, 4. Merlin, 16. Blez, 45+5 – Neymar, 47.

20 fevral

Nitsa – Anje 1:0
Qol: Kluyvert, 19.

Loryan – Monpelye 0:1
Qol: Savanye, 56.

Reyms – Brest 1:1
Qol: Faes, 4 – Satriano, 34.

Renn – Trua 4:1
Qol: Jirassi, 14; 20. Terrye, 75. Laborde, 87 – Uqbo, 39.

Sent-Etyen – Strasburq 2:2
Qol: Budebuz, 4. Xazri, 34 – Diallo, 21. Perrin, 30.

Bordo – Monako 1:1
Qol: Udin, 22 – Marselo, 67-öz qapısına.

Marsel – Klermon 0:2
Qol: Bayo, 13. Allevina, 84.

Bombardir: Vissam Ben Yedder (“Monako”) – 13 qol.