Tokio-2020: Azərbaycanın paracüdoçuları finala yüksəldi

Azərbaycan paracüdoçusu Vüqar Şirinli Tokio-2020 Yay Paralimpiya Oyunlarında finala yüksəlib.

Komanda.az xəbər verir ki, 60 kq çəki dərəcəsində çıxış edən idmançı yarımfinalda Rumıniya təmsilçisi Boloqonu məğlub edib. Finala vəsiqə qazanan Şirinli Tokio-2020-də ən azı gümüş medalı təmin edib.

Azərbaycanın daha bir paracüdoçusu Tokio-2020 Yay Paralimpiya Oyunlarında finala yüksəlib. Qadınlar arasında -48 kq çəki dərəcəsində mübarizə aparan paracüdoçu Şəhanə Hacıyeva yarımfinalda rusyalı rəqibi Viktoriya Potapovaya qalib gələrək finala vəsiqə qazanıb.

Daha əvvəl Azərbaycan təmsilçisi Pərvin Məmmədov paurliftinqdə (49 kq) bürünc medal qazanıb.