Pikedən Messiyə vida: “İndi ayrılırıq, ancaq…”

“Barselona”nın futbolçusu Jerar Pike Lionel Messinin klubu tərk etməsi ilə bağlı fikirlərini bildirib.

Komanda.az xəbər verir ki, ispan müdafiəçi, “instagram” hesabında argentinalı hücumçuyla bağlı vida mesajı paylaşıb. O, paylaşımında bunları qeyd edib:

“Heç nə eyni olmayacaq. Nə “Kamp Nou”, nə “Barselona, nə də biz. Bir-birimizi 2000-ci ildən tanıyırıq. Necə möhtəşəm bir karyeradır. Təsəvvür etmək mümkünsüzdür. Rosariodan Roma zəfərinə qədər. Necə gözəl şeylər yaşadıq… İndi ayrılırıq, ancaq bir gün “Barselona”ya qayıdacağına ümid edirəm”.