AÇ-2020: “İtaliya yığmasının yarımmüdafiə xətti çox güclüdür”

Belçika milli komandasının futbolçusu Aksel Vitsel AÇ-2020-nin 1/4 final mərhələsində İtaliyaya qarşı keçirəcəkləri oyundan əvvəl fikirlərini bildirib.

Komanda.az xəbər verir ki, belçikalı yarımmüdafiəçi, matçla bağlı bunları deyib:

“Jorjinyo və Marko Verratti çox yaxşı futbolçulardır. İtaliya yığmasının yarımmüdafiə xətti çox güclüdür. Onlar tərifə layiqdirlər. Özümü belə möhtəşəm futbolçulara qarşı oyunda sübut etmək üçün səbirsizlənirəm.

Düşünürəm ki, fərdi ustalıqları yüksək olan futbolçularımız var. Lakin İtaliya yığmasının da güclü oyunçuları var. Çətin matç olacaq. Cəsarətli olmalıyıq”.

Bu gün keçiriləcək Belçika – İtaliya matçı saat 23:00-da start götürəcək.