“Bu, bizim daha irəli getməyimizə kömək olacaq” – PSJ-nin futbolçusu

PSJ-nin futbolçusu Keylor Navas Çempionlar Liqasının 1/8 final mərhələsində “Barselona”ya qarşı keçirdikləri matçı şərh edib.

Komanda.az xəbər verir ki, UEFA-nın mətbuat xidmətinə danışan Navas, 1:1 hesabıyla bitən görüşlə bağlı bunları deyib:

“Çox xoşbəxtəm, inanılmaz dərəcədə bir çətin oyun oldu. Hamımız yaxşı futbol göstərmək, ilk görüşdəki qələbədən yararlanmaq istəyirdik. Penalti vuruşlarını dəf etmək çətin olur, xüsusilə də, qarşındakı Lionel Messidirsə.

“Barselona” bu matçda çox yaxşı çıxış etdi. Demək olar ki, mükəmməl şəkildə təzyiq göstərdilər. Çempionlar Liqasında eyni ruhda davam etməyə, eyni mübarizə əzmini sərgiləməyə çalışacağıq. Bu, bizim daha irəli getməyimizə kömək olacaq”.

PSJ “Barselona”nı ÇL-in 1/8 final mərhələsində hər iki oyunun nəticəsinə görə məğlub edib və 1/4 finala vəsiqə qazanıb (ilk oyun 4:1, cavab oyunu 1:1).