İsko üçün daha bir “elçi”

İspaniyanın “Real” klubunun futbolçusu İsko daha bir klubun maraq dairəsindədir.

Komanda.az İtaliya mətbuatına istinadən xəbər verir ki, “Yuventus” 28 yaşlı yarımmüdafiəçini heyətinə qatmaq niyyətindədir. “Qoca sinyora”nın qış transfer pəncərəsi dövründə İsko üçün Madrid klubuna rəsmi təklif göndərəcəyi bildirilir.

İsko üçün “Mançester Siti”nin də startda gözlədiyi və növbəti transfer pəncərəsi dövründə hərəkətə keçəcəyi deyilir.

İskonun “Real”la müqaviləsi 2022-ci ilin yayında başa çatır.