“Real” “Yuventus” üzərində qələbə ilə 1/4 finalda

ABŞ-da keçirilən Klublararası dünya çempionatı davam edir.

Komanda.az xəbər verir ki, bu gün 1/8 finalın daha bir görüşü baş tutub.

1/4 finala vəsiqə uğrunda İspaniyanın “Real” və İtaliyanın “Yuventus” komandaları qarşılaşıblar.

Madrid təmsilçisi bu oyundan 1:0 hesablı qələbə ilə ayrılmaqla növbəti mərhələyə yüksəlib. İspaniya nəhənginin yeganə qolunu 54-cü dəqiqədə Qonsalo Qarsiya vurub.

“Real”ın 1/4 finaldakı rəqibi “Borussiya” (Dortmund, Almaniya) – “Monterrey” (Meksika) görüşündə müəyyənləşəcək.