“Qızıl top”u qazandı – ABŞ millisinin üzvü

2019-cu ilin ən yaxşı qadın futbolçusu bəlli olub.

Komanda.az xəbər verir ki, “Franca Football” nəşrinin sorğusuna əsasən, ABŞ yığmasının və “Reign” klubunun yarımmüdafiəçisi Meqan Rapino ilin ən yaxşı qadın futbolçusu seçilib.

O, bu dəqiqələrdə Parisdə təşkil olunan “Qızıl top” mükafatının təqdimat mərasimində ən yaxşı elan olunub. Lakin maraqlıdı ki, amerikalı futbolçu bu tədbirə qatılmayıb.

Rapino “Qızıl top” uğrunda mübarizədə həmkarları Lusi Bronz (İngiltərə, “Olimpik”, Lion) və Aleks Morqanı (ABŞ, “Olimpik”, Lion) qabaqlayıb.