İnsinye keçmiş klubuna dönmək üçün az maaşa razıdır

İtaliyalı futbolçu Lorenso İnsinye yenidən “Napoli”yə qayıtmaq imkanı əldə edib.

Komanda.az xarici KİV-ə istinadən xəbər verir ki, 34 yaşlı futbolçu 6 aylıq qısamüddətli müqavilə imzalamağa və əlavə olaraq, müddətin bir il uzatma variantını qəbul etməyə hazırdır. Həmçinin, İnsinye kluba geri dönmək üçün az maaşa razıdır.

İnsinye “Napoli”nin yetirməsidir və 2010–2022-ci illərdə əsas komandada çıxış edib. Sonrakı üç ili isə o, Kanadanın “Toronto” klubunda keçirib.

Futbolçu ötən yaydan etibarən azad agent statusundadır, ancaq formasını qorumaq üçün məşqlərini aktiv şəkildə davam etdirir.