Müller müqaviləsini uzatmağa hazırdır – Amma bir şərtlə

Hücumçu Tomas Müller “Bayern” rəhbərliyi ilə müqaviləsinin uzadılması ilə bağlı danışıqlar aparır.

Komanda.az xarici KİV-ə istinadən xəbər verir ki, almaniyalı futbolçu maaşının eyni səviyyədə qalacağı təqdirdə yeni müqavilə imzalamağa hazır olduğunu bildirib.

34 yaşlı hücumçu karyerası ərzində “Bayern”də çıxış edib. Onun klubla hazırkı müqaviləsi 2024-cü ilin yayında başa çatır.

Müller bu mövsüm Bundesliqada 10 oyun keçirib, 1 qol vurub və 4 məhsuldar ötürmə edib.