“Sanki üç saat oynasaq da, qol vura bilməyəcəyik” – Pike

“Barselona”nın futbolçusu Jerar Pike La Liqada “Atletiko”ya uduzduqları oyundan (0:2) sonra fikirlərini bildirib.

Komanda.az xarici mətbuata istinadən xəbər verir ki, ispan müdafiəçi, məyus olduqlarını söyləyib:

“Hamıya qarşı dürüst olmaq məcburiyyətindəyəm. Sanki üç saat oynasaq da, qol vura bilməyəcəyik. Problem bir deyil, çoxdur. Daha əvvəl yaşamadığımız şeyləri yaşayırıq, amma inanıram ki, düzələcək. Paltardəyişmə otağında atmosfer yaxşıdır”.