“Keşlə” legioneri ilə yeni müqavilə bağladı – RƏSMİ

“Keşlə” daha bir futbolçusu ilə müqavilə yeniləyib.

Komanda.az xəbər verir ki, paytaxt klubu Miyuşko Boyoviçi də heyətində saxlamağa qərar verib.

Bu barədə klubun mətbuat xidməti məlumat yayıb. Xəbərdə Boyoviçlə yeni 1 illik müqavilə imzalandığı diqqətə çatdırılıb.

Xatırladaq ki, “Keşlə”də daha öncə Azər Salahlı, Vüsal İsgəndərli, Tərlan Quliyev və Ruslan Əmircanovla da 1 illik müqavilə imzalamışdı. Paytaxt klubu “Neftçi”dən ayrılan Tural Axundovu da transfer edib. Əvəzində Ruslan Qurbanov, Cabir Əmirli və kapitan Slavik Alxasovla yollar ayrılıb.