Almaniya klubunda koronavirus şoku: İki nəfər yoluxdu

Almaniyanın “Borussiya” (Münhenqladbax) klubunda koronavirusa yoluxma halı qeydə alınıb.

Komanda.az xəbər verir ki, bu barədə Almaniya mətbuatı məlumat yayıb.

Məlumatda, klubda 2 nəfərdə koronavirusun aşkarlandığı bildirilir. Virusa yoluxan şəxslərin adı açıqlanmasa da, onlardan birinin futbolçu, digərinin fizioterapist olduğu bildirilir.

Pandemiyaya yoluxan şəxslərin karantinə alındığı, komandanın digər üzvlərinin məşqləri davam etdirdiyi bildirilir.