Dembelenin qayıdacağı vaxt açıqlandı

Bu il fevralın əvvəlində zədələnərək, əməliyyat olunan “Barselona”nın hücumçusu Osman Dembelenin yaşıl meydanlara qayıdacağı vaxt məlum olub.

Komanda.az İspaniya mətbuatına istinadən xəbər verir ki, fransalı futbolçu iyul ayından etibarən meydana çıxa biləcək. Kataloniya komandasının məşqçilər heyətinin Dembele tam hazır olduqdan sonra ona şans verəcəyi bildirilir.

Dembelenin koronavirus pandemiyası səbəbiylə təxirə salınan La Liqanın bərpasından sonra bəzi oyunlarda iştirak edəcəyi gözlənilir.

Fransalı futbolçu bu mövsüm La Liqada 5, Çempionlar Liqasında 4 oyunda iştirak edib.