“Sabah” final seriyasında ikinci qələbəsini qazandı

“Sabah” Azərbaycan Basketbol Liqasının final seriyasında ikinci qələbəsini qazanıb.

Komanda.az xəbər verir ki, Rimas Kurtinaytisin baş məşqçisi olduğu komanda “Abşeron Lions”u məğlub edib. Qarşılaşma 112:84 hesabı ilə bitib.

“Sabah” ilk görüşdə də rəqibini üstələyib – 98:93. Final seriyasında üç qələbəyə çatan komanda Azərbaycan Basketbol Liqasının qalibi olacaq.