Kassano Tottiyə “axmaq” dedi

“Roma”nın sabiq futbolçusu Françesko Totti Lionel Messinin uğurları barədə maraqlı fikirlər səsləndirib.

“Barselona” və PSJ-nin sabiq, hazırda isə “İnter Mayami”nin oyunçusu olan Messi rekord sayda – səkkiz dəfə “qızıl top”un sahibi olub.

Komanda.az xarici KİV-ə istinadən xəbər verir ki, Totti isə bunun mümkünlüyünü yalnız böyük klublarda oynamaqla əlaqələndirib:

“Düşünün, Messi 25 il “Roma”da oynasaydı, bircə dəfə də “qızıl top” qazanmazdı. O halda mən necə qazana bilərdim?”

Onun sabiq komanda yoldaşı Antonio Kassano isə zarafatla ona belə cavab verib:

“Sən axmaqsan, günah sənin özündədir. “Real”a getsəydin, bir neçə kubok qazanardın”.

2025-ci ilin “qızıl top” mükafatına PSJ-nin fransalı futbolçusu Osman Dembele layiq görülüb.