Almaniya klubu Mottaya baş məşqçi postunu təklif edib

“Yuventus”un sabiq baş məşqçisi Tiaqo Motta Leverkuzen “Bayer”indən təklif alıb.

Komanda.az xarici KİV-ə istinadən xəbər verir ki, italiyalı məşqçi hazırda işsizdir və Almaniya klubu ona rəsmi təklif göndərib.

43 yaşlı mütəxəssis karyerası ərzində “Yuventus”, “Bolonya”, “Spetsiya” və PSJ-nin gənclər komandalarını çalışdırıb.

“Bayer” Bundesliqada mövsümün iki turundan sonra 1 xal toplayaraq, turnir cədvəlinin 12-ci pilləsində qərarlaşıb. Klub rəhbərliyi buna cavab olaraq Erik ten Haqı baş məşqçi vəzifəsindən azad edib. İndi Motta komandanı bu çətin vəziyyətdə çalışdırmaq şansı qazanmış ola bilər.