Cavid Hüseynov 35-ci oldu

Yeni mövsümdən “Zirə”nin şərəfini qoruyan Cavid Hüseynov komandada qol hesabını açıb.

Komanda.az klubun rəsmi saytına istinadən xəbər verir ki, 31 yaşlı yarımmüdafiəçi ilk qolunu özünün 2-ci oyununda vurub. O, Premyer Liqanın “Neftçi” ilə ev matçının 27-ci dəqiqəsində fərqlənərək, “qartallar”a minimal hesablı qələbə qazandıran qolun müəllifi olub

Hüseynov “Zirə”nin Premyer Liqadakı oyunlarda rəqib qapısına yol tapan 35-ci futbolçusudur. Onadək 34 oyunçu bunu bacarmışdı. Bombardirlər siyahısına isə 14 qol vuran Nelson Bonilla başçılıq edir.

Bütün turnirləri nəzərə almaqla, Cavidə qədər 57 futbolçu “Zirə” forması ilə fərqlənmişdi. Hüseynov bu siyahıda 58-ci olub.