Ferdinandın Çempionlar Liqasının əsas favoriti kimi gördüyü komanda

İngiltərə millisinin və “Mançester Yunayted”in sabiq müdafiəçisi Rio Ferdinand PSJ-nin hazırkı UEFA Çempionlar Liqasındakı çıxışına heyran olub.

Komanda.az “TNT Sports”-a istinadən xəbər verir ki, ingiltərəli keçmiş futbolçu, parisliləri Çempionlar Liqasının əsas favoriti hesab edir:

“Mən indi PSJ-ni Çempionlar Liqasının əsas favoriti hesab edirəm. Biz onların “Liverpul”u məğlub etdiklərini, “Aston Villa” üzərində üstün olduqlarını gördük. Onlar növbəti oyuna turnirin favoriti kimi yanaşırlar”.

PSJ Çempionlar Liqasının 1/4 final mərhələsinin ilk oyununda doğma meydanda “Aston Villa”ya 3:1 hesabı ilə qalib gəlib. Cavab matçı aprelin 15-də, Birmingemdə keçiriləcək.