“Roma” yeni futbolçu transfer edib

“Ayaks”ın müdafiəçisi Devin Renş İtaliya çempionatına keçib.

Komanda.az xarici KİV-ə istinadən xəbər verir ki, niderlandlı futbolçu “Roma”nın sıralarına qoşulub.

22 yaşlı Renş yeni komandasında 2 nömrəli formanı geyinəcək. Onun transferinin romalılara 5 milyon avroya başa gəldiyi bildirilir.

Paytaxt təmsilçisi İtaliya çempionatının 21 turundan sonra 27 xalla turnir cədvəlinin 9-cu pilləsində qərarlaşıb. “Canavarlar” A Seriyasının növbəti oyununda səfərdə “Udineze” ilə qarşılaşacaq.