ÇL: “Bu qələbə bizə inam verdi”

“Real”ın hücumçusu Rodriqo UEFA Çempionlar Liqasının ümumi mərhələsinin 7-ci turunda “Zalsburq”u üzərində qazanılan qələbədən (5:1) danışıb.

Komanda.az UEFA-nın mətbuat xidmətinə istinadən xəbər verir ki, braziliyalı futbolçu bu qələbənin onlara inam verdiyini bildirib:

“Bizim üçün vacib nəticə oldu. Bu qələbə bizə inam verdi. Vinisius Junior üçün şadam ki, matçın ən yaxşı oyunçusu mükafatına layiq görüldü. O, iki qol vurdu və daha çoxunu vuracaq. Bu, komanda üçün çox yaxşıdır”.

“Real” Çempionlar Liqasının 7 turundan sonra 12 xalla turnir cədvəlinin 16-cı pilləsində qərarlaşıb. Karlo Ançelottinin komandası ümumi mərhələdə son oyununu yanvarın 29-da Fransanın “Brest” komandasına qarşı keçirəcək.